काठमाडौंमा जुवा खेल्ने ६२ जना पक्राउ, नौ लाख १२ हजार बरामद
काठमाडौं: नेपाल प्रहरीले काठमाडौंका विभिन्न स्थानबाट जुवातास तथा कौडा खेल्ने ६२ जनालाई पक्राउ गरेको छ। जिल्ला प्रहरी परिसर काठमाडौंका प्रवक्ता प्रहरी उपरीक्षक दिनेशराज मैनालीले काठमाडौंका विभिन्न स्थानमा जुवातास खेलेको अभियोगमा रु नौ लाख १२ हजार ८० नगदसहित ६२ लाई पक्राउ गरिएको जानकारी दिए।
पक्राउ परेकामध्ये नौ जनाविरुद्ध अदालतमा मुद्दा दर्ता गरिएको छ।
प्रहरीले जुवा खेल्नेबाट रु ६ लाख २७ हजार २७० नगद र १३ बुक तास तथा कौडा खेल्नेसँग रु दुई लाख ८४ हजार ७०० नगद र १६ थान कौडा बरामद गरेको हो।
प्रहरीले तिहारको समयमा ठूलो हारजित हुने गरी जुवातास खेलेको थाहा पाएमा प्रहरीलाई खबर गर्न समेत आग्रह गरेको छ।
कात्तिक ७, २०७९ सोमबार ०८:५४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
