पल शाहविरुद्धको नाबालिग बलात्कार मुद्दाको सुनुवाइ तेस्रो पटक स्थगित

२ वर्ष अघि

पल शाहविरुद्धको नाबालिग बलात्कार मुद्दाको सुनुवाइ तेस्रो पटक स्थगित

काठमाडौं: नाबालिग बलात्कार अभियोगमा तनहुँ कारागारमा रहेका कलाकार पल शाहविरुद्धको सुनुवाइ तेस्रो पटक स्थगित भएको छ। तनहुँ जिल्ला अदालतमा आजका लागि तोकिएको पेसी निर्वाचनको तयारीका कारण स्थगित भएको हो।

आगामी मङ्सिर ४ गते हुने प्रतिनिधि र प्रदेश सभा सदस्य निर्वाचनको तयारीका कारण शाहविरुद्धको सुनुवाई स्थगित भएको तनहुँ अदालतका इजलास अधिकृत कृष्ण गौतमले जानकारी दिए। यसअघि शाहविरुद्धको सुनुवाइ भदौ १५ गते असोज २ गतेका लागि तोकिएको थियो।

जिल्ला सरकारी वकिल कार्यालयका न्यायाधिवक्ताको पत्रका कारण आजको सुनुवाई स्थगित भएको हो। जिल्ला न्यायाधीश दलबहादुर केसी मुख्य निर्वाचन अधिकृत र जिल्ला न्यायाधिवक्ता गोविन्द उपाध्याय निर्वाचन अधिकृतका रूपमा खटिएका छन्।

निर्वाचनका कारण जिल्ला न्यायाधिवक्ताको पत्रका कारण फौजदारीतर्फका आजका सबै मुद्दाको सुनुवाइ स्थगित भएको तनहुँ अदालत बार एसोसिएसनका अध्यक्ष भानुभक्त सुवेदीले जानकारी दिए।