प्रदीप गिरिको एजेण्डा अघि बढाउन सरिता गिरि बनिन् स्वतन्त्र, भनिन्– ‘सद्भावना पार्टीलाई मेरो सद्भावना छ’
काठमाडौं : प्रदीप गिरिको एजेण्डा अघि बढाउने भन्दै प्रवेश गरेको एक महिनामै सरिता गिरिले नेपाल सद्भावना पार्टी छाडेकी छन्।
साउन ७ गते पार्टी प्रवेश गरेकी उनले सामाजिक सञ्जालमार्फत आफू स्वतन्त्र भएको घोषणा गरिन्।
उनले भनिन्, ‘दिवगंत प्रदीप गिरिजीको राजनीतिक र सामाजिक रुपान्तरणको एजेण्डा अघि बढाउन उहाँको अनितम इच्छाअनुसार म नेपाल सद्भावना पार्टीबाट स्वतन्त्र भएको घोषणा गर्दछु।’
कठिन समयमा अत्यन्त कठिन निर्णय लिएको भन्दै गिरिले ०७४ सालदेखि निरन्तर सिरहा, लहानमा बसी काम गर्दै आएको र त्यही जनताबीच मेरो कर्मभूमी रहने उल्लेख गरेकी छन्।
उनले नेपाल सद्भावना पार्टीलाई आफ्नो सधैँ सद्भावना रहेको बताइन्।
भदौ ८, २०७९ बुधबार १०:१८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
