छाडा गाईसँग ठोकिएर मोटरसाइकल चालकको मृत्यु

छाडा गाईसँग ठोकिएर मोटरसाइकल चालकको मृत्यु

कैलालीः छाडा गाईसँग ठोकिएर गए राति मोटरसाइकल चालकको मृत्यु भएको छ। मृत्यु हुनेमा धनगढी उपमहानगरपालिका–१३ हिमाली टोलका ३० वर्षीय गङ्गा बोगटी रहेको जिल्ला प्रहरी कार्यालय कैलालीका प्रहरी नायब उपरीक्षक बेदप्रकाश जोशीले जानकारी दिए।

जोशीका अनुसार धनगढी–१३ अत्तरियाबाट धनगढीतर्फ आउँदै गरेको सुपप्र-०१-०११प ३८१६ नंको मोटरसाइलले छाडा गाईलाई ठक्कर दिएको थियो।

ठक्करबाट गम्भीर घाइते भएका बोगटीको निसर्ग अस्पताल धनगढीमा उपचारका क्रममा मृत्यु भएको हो। मोटरसाइकलमा सवार शर्मिलाको सोही अस्पतालमा उपचार भइरहेको बताइएको छ।

भदौ ७, २०७९ मंगलबार १०:४६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।