धादिङमा भारतीय नम्बरको ट्रेलरको ठक्करबाट जीप चालक र परिचालकको मृत्यु
धादिङः गल्छी गाउँपालिका- ६ चिरौदी पुलमा गए राति भारतीय नम्बरको ट्रेलरको ठक्करबाट जीपका चालक र परिचालकको मृत्यु भएको छ। जीप चालक धादिङकै ज्वालामुखी गाउँपालिका- १ का ३० वर्षीय ज्ञानबहादुर नेपाली र परिचालक बेनीघाट रोराङका २५ वर्षीय राजेन्द्र तामाङको घटनास्थलमै मृत्यु भएको हो।
दुर्घटनामा घाइते ट्रेलरका चालक र परिचालकको उपचार गल्छीस्थित अम्बे भरोसा अस्पतालमा भइरहेको छ।
चितवनबाट काठमाडौंतर्फ आउँदै गरेको भारतीय नम्बरको ट्रेलरले सोही दिशाबाटै आइरहेको बाग्मती प्रदेश-०१-०२५च ७८७२ नम्बरको पिकअप जीपलाई ठक्कर दिएको थियो।
साउन ३१, २०७९ मंगलबार १०:२४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।
