ब्राउनसुगरसहित झापाबाट एक जना पक्राउ
२ वर्ष अघि
झापाः मेचीनगर नगरपालिका-६ स्थित मेचीपुलबाट लागूऔषध ब्राउनसुगरसहित एक जना पक्राउ परेका छन्। पक्राउ पर्नेमा मोरङ पथरीशनिश्चरे-२ का २२ वर्षीय मिलन दर्जी रहेका छन्।
मङ्गलबार दिउँसो ईलाका प्रहरी कार्यालय काँकडभिट्टा र लागूऔषध नियन्त्रण ब्यूरो काँकडभिट्टाबाट खटिएको प्रहरी टोलीले चेकजाँच गर्ने क्रममा भारतबाट नेपालतर्फ आउँदै गरेका दर्जीको साथबाट ९ ग्राम ब्राउनसुगर बरामद गरेको थियो।
दर्जीको विषयमा हाल ईलाका प्रहरी कार्यालय काँकडभिट्टाबाट थप अनुसन्धान भइरहेको छ।
असार २२, २०७९ बुधबार १२:३०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
