पहिरोले बगाउँदा सासु–बुहारी बेपत्ता
३ वर्ष अघि
साङ्केतिक तस्बिर
ताप्लेजुङः सिरीजङ्घा गाउँपालिका–७ खेवाङमा गए राति खसेको पहिरोमा पुरिएर सासु र बुहारी बेपत्ता भएका छन्। वर्षासँगै राति करिब साढे ८ बजे झरेको पहिरोमा पुरिएर सासु तुलसा अधिकारी र बुहारी यशोदा अधिकारी बेपत्ता भएका हुन्।
यशोदाका श्रीमान् विष्णु अधिकारी भने भागेर ज्यान जोगाउन सफल भएको स्थानीय लक्ष्मण अधिकारीले बताए।
पहिरोले अधिकारीका दुई वटै घर बगाएको छ भने नजिकै रहेका पशुचौपाय समेत पुरेको छ। थप विवरण आउन बाँकी छ।
अत्यधिक वर्षाका कारण जिल्लाका विभिन्न ठाउँमा ठुल्ठूला पहिरो झरेका छन्।
असार ३, २०७९ शुक्रबार ०७:१७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
