राज्यमन्त्री वलीलाई प्रहरीले गर्यो उद्धार, महिला र बालिकामाथि हातपात गरेपछि स्थानीयले हालेका थिए घेरा
बुटवलः लुम्बिनी प्रदेशकी स्वास्थ्य राज्यमन्त्री विमलाकुमारी वलीलाई स्थानीय महिलाहरूले घेरा हालेपछि प्रहरीले उद्धार गरेको छ। गृहजिल्ला दाङ पुगेकी वलीले तुलसीपुर उपमहानगरपालिका-५ बसपार्कस्थित एकराज बस्नेतको घरमा पुगेर उनको श्रीमती र छोरीलाई हातपात गरेको भन्दै महिलाहरूले वलीलाई घेराबन्दी गरेर राखेका थिए।
पछि प्रहरी पुगेर उद्धार गरेको दाङ प्रहरीले जनाएको छ।
तुलसीपुर उपमहानगरपालिका-५ बसपार्कस्थित एकराज बस्नेतको घर
महिलामाथि हातपात भएको र सोही सिलसिलामा स्थानीयले राज्यमन्त्रीलाई घेरेर राखेको खबर पाएलगत्तै प्रहरी पुगेर उद्धार गरेको दाङका प्रहरी प्रमुख सुरेश काफ्लेले जानकारी दिए।
राज्यमन्त्री वलीले हातपात गरेको भनिएकी महिला र बालिका
राज्यमन्त्री वली अहिले तुलसीपुरस्थित प्रहरी कार्यालयमा छिन्।
गत वर्ष भदौमा वलीले एकराजलाई चुम्बन गरेको फोटो सार्वजनिक भएको थियो। फोटो भाइरल भएपछि उनले तस्बिर एडिट गरिएको र एकराज आफ्नो भाइ पर्ने दावी गरेकी थिइन्।
जेठ ३१, २०७९ मंगलबार ११:५१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
