आफैँ सहचालक रहेको बसले ठक्कर दिँदा घटनास्थलमै मृत्यु
काठमाडौंः आफैँ सहचालक रहेको बसले ठक्कर दिँदा एक जनाको मृत्यु भएको छ। पृथ्वी राजमार्गको मौवाखोलामा आज बिहान ४ बजे बसका सहचालक सुनसरी झुम्काका २३ वर्षीय जनक दाहालको मृत्यु भएको हो।
जिल्ला प्रहरी कार्यालय चितवनका अनुसार काठमाडौंबाट भारतको सिलगीतर्फ जाँदा गरेको बा५ख ७८४३ नम्बरको नेपाल-भारतमैत्री बसले सोही बसका सहचालक दाहाललाई ठक्कर दिएको थियो। दाहालको घटनास्थलमै मृत्यु भएको हो।
हाल शव परीक्षणका लागि भरतपुर अस्पताल ल्याइएको छ। बस र बसका चालकलाई ईलाका प्रहरी कार्यालय मुग्लिङले नियन्त्रणमा लिएको छ।
जेठ २७, २०७९ शुक्रबार ०८:४२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
