भारतीय कारको ठक्करबाट २१ वर्षीय गुरुङको मृत्यु
चितवनः खैरहनीमा भारतीय कारको ठक्करबाट एक युवकको मृत्यु भएको छ। मृत्यु हुनेमा कालिका नगरपालिका–४ घर भई हाल खैरहनी नगरपालिका–८ बस्ने २१ वर्षीय विश्वास गुरुङ रहेका छन्।
पूर्व-पश्चिम राजमार्गअन्तर्गत खैरहनी नगरपालिका–९ सिमलटाँडीमा बुधबार साँझ भारतीय कारको ठक्करबाट घाइते गुरुङको उपचारका क्रममा पुरानो मेडिकल कलेजमा मृत्यु भएको हो।
लोथरबाट नारायणगढतर्फ आउँदै गरेको जेएच०१डिएक्स ७७३९ नम्बरको भारतीय कारले विपरीत दिशाबाट जाँदै गरेको बागमती प्रदेश ०३–००५ प २६६९ नम्बरको मोटरसाइकललाई ठक्कर दिएको थियो।
हाल कार चालक प्रहरीको नियन्त्रणमा छन्।
जेठ १९, २०७९ बिहीबार ०८:२०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
