रुसी हमलामा 'फक्स न्युज' का दुई पत्रकारको मृत्यु, एक गम्भीर घाइते 

न्युयोर्क : रुसी हमलामा अमेरिकी सञ्चार माध्यम फक्स न्युज नेटवर्कका दुई पत्रकारको मृत्यु भएको छ भने अर्का एक जना घाइते भएका छन्। राजधानी किभ नजिकै भएको रुसी सेनाको गोलाबारीमा उनीहरुको मृत्यु भएको फक्स न्युज च्यानलले जनाएको छ।

मारिनेमा ५५ वर्षीय पियरे जाक्रेजिवस्की र २४ वर्षीया ओलेकसान्द्रा सशा कुभश्यानोभा छन्। युक्रेनी नागरिक कुभश्यानोभा फक्स न्युजका लागि सल्लाहकारका रुपमा काम गर्थिन्।

हमलामा फक्स न्युजकै संवाददाता बेन्जामिन हल घाइते भएका छन्। गम्भीर घाइते हलको उपचार भइरहेको छ। मारिनेमध्ये पियरे लामो समयदेखिका द्वन्द्व पत्रकार हुन्। उनले इराक युद्धदेखि अफगानिस्तान हुँदै सिरियासम्मको युद्धको समाचार समेटेका थिए।

चैत २, २०७८ बुधबार १४:३६:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।