पश्चिमी वायुको प्रभाव: धेरै स्थानमा हुस्सु, केही स्थानमा हिमपात

३ वर्ष अघि

पश्चिमी वायुको प्रभाव: धेरै स्थानमा हुस्सु, केही स्थानमा हिमपात

काठमाडौंः नेपालका अधिकांश स्थानहरूमा आज बिहानैदेखि हुस्सु लागेको छ। हाल देशमा पश्चिमी न्यून चापीय प्रणाली र भारतको उत्तर प्रदेशको पूर्वी भूभाग र बिहार आसपासमा रहेको न्यून चापीय क्षेत्रको सामान्य प्रभाव रहेको छ।

यति बेला देशैभर आंशिक बदली रहेको छ। आज दिउँसो गण्डकी प्रदेश र प्रदेश नं १ का उच्च पहाडी तथा हिमाली भूभागहरूका एक वा दुई स्थानहरूमा हल्का हिमपातको सम्भावना रहेको छ। यस्तै राती प्रदेश नं १, बागमती प्रदेश र गण्डकी प्रदेशमा आंशिकदेखि सामान्य बदली हुनेछ।

बाँकी भू-भागमा आंशिक बदली रहनेछ। प्रदेश नं १, बागमती प्रदेश र गण्डकी प्रदेशका उच्च पहाडी तथा हिमाली भूभागका एक वा दूई स्थानहरूमा हल्का हिमपातको सम्भावना रहेको छ।