दाङमा ब्रेक फेल भएर जिप दुर्घटना, ३ जनाको मृत्यु
३ वर्ष अघि
दाङ : दाङमा आइतबार जिप दुर्घटना हुँदा तीन जनाको मृत्यु भएको छ।
रा १ ज ४३८ नम्बरको जिप दुर्घटना हुँदा सल्यान कपुरकोट गाउँपालिका–४ का ४८ वर्षीय प्रेमप्रकाश शर्मा, ४६ वर्षीया सौनी घर्ती र कर्णबहादुर खड्काको मृत्यु भएको इलाका प्रहरी कार्यालय तुलसीपुरले जनाएको छ।
तुलसीपुर–३ सिरखोला नजिकै भएको दुर्घटनामा १६ जना घाइते भएका छन्।
ब्रेक फेल भएर जिप सडकबाट करिब २ सय मिटर तल खसेको थियो। घाइतेको राप्ती प्रादेशिक अस्पताल तुलसीपुरमा उपचार भइरहेको प्रहरीले जनाएको छ।
मंसिर २६, २०७८ आइतबार २२:१२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
