सिद्धार्थनगर नगरपालिका उपप्रमुखसहित पाँच जना नेकपा एकीकृत समाजवादीमा
बुटवल : रुपन्देहीको सिद्धार्थनगर नगरपालिकाकी उपप्रमुख उमा काफ्ले सहितका ५ जना जनप्रतिनिधिले नेकपा एकीकृत समाजवादी पार्टी रोजेका छन्।
सोमबार निर्वाचन कार्यालय भैरहवा पुगेर उनीहरूले समाजवादी रोजेको सनाखत गरेका हुन्।
काफ्ले सहित बुटवल उपमहानगर पालिका वडा नम्बर २ का वडा सदस्य सुनिल शाक्य, वडा नम्बर ३ का वडा सदस्य चिन बहादुर गुरुङ, वडा नम्बर १९ का वडा सदस्य गोपाल नेपाल र तिलोत्तमा नगरपालिकाका कार्यपालिका सदस्य यज्ञेश्वर क्षेत्रीले समाजवादी रोजेको समाजवादी रुपन्देहीका संयोजक राजु गुरुङले बताए।
रुपन्देहीमा समाजवादी रोज्न बाँकी रहेका केही जनप्रतिनिधिले भोलि मङ्गलवार सनाखत गर्ने उनको भनाई छ ।
भदौ २१, २०७८ सोमबार १५:११:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
